بسم الله والحمد لله رب العالمين والصلاة والسلام على اشرف الخلق وسيد المرسلين سيدنا محمد صلى الله عليه وسلم عجلت إليك ربي لترضى دي كلام سيدنا موسى لرب العالمين وهو مين هو كليم الرحمن واحنا مين بالنسبة ليه .....وأحنا ولا حاجة معلش قصدي أنا ولا حاجة وعمري ما هكون حاجة هو واحد زيي انا يستاهل أنه يكون عبد لله الاله الكريم الرحيم أنا مش عارف أقول إيه لأني بعمل حاجات كتيير تغضب ربنا وربنا بيدني رغم معصيتي وجرأتي عليه وكل شويه اقول أنا هرجع لكن مابرجعش والمشكلة اني عارف العيب فين ومش عارف أصححه أو مش قادر أصححه هو ممكن يكون ده غضب من ربنا عليا وكمان في ناس كتيير بصه ليا أن أنا شخص كويس يعني انا قدمهم كويس ولكن للأسف أنا قدام ربنا مش كويس مش ده يبقى نفاق وده أكتر حاجة مضيقاني إن الناس بيقولوا شئ والحقيقة شئ تاني وأنا والله نفسي ارجع له بس مش عارف ،أنا عارف إن منكم هيقولي متقلقش ما دمت عاوز ترجع هترجع في يوم من الأيام بس مين عارف الواحد هيعيش لليوم ده.
وأنا عارف الكل هيقولي إيه لكن أنا مش بقول كده علشان أشتكي ولكني حبيت أكتب الكلام ده علشان أفكر نفسي هي إيه وبتعمل إيه في حق الكريم الرحيم الشديد العقاب وعلشان أعرفكم بحقارتي وعلشان مفيش حد يتغر فيا زي ناس كتيير وعلشان اللي يقرا الكلام ده ممكن يدعي لي بالهداية فسهام الليل لا تخطأ.
وفي النهاية بقول لله العزيزالكريم عجلت إليك ربي لترضي فكن معي وقف بجانبي فأنا من غيرك هضيع فثبتني ربي وكن معي.
